TIRANË, 31 dhjetor /ATSH/ Shërbimi Meteorologjik Ushtarak bën të ditur se dita e fundit për vitin 2020 parashikohet të ndikohet nga kushte atmosferike të paqëndrueshme.
Parashikohet mot i vranët dhe reshje shiu që në orët e para të 24-orëshit me intensitet mesatar e deri të lartë në veriperëndim e jugperëndim të vendit.
Në orët e pasdites gradualisht reshjet e shiut do të humbasin intensitet e territor duke marrë karakter lokal.
Era parashikohet të fryjë kryesisht nga kuadrati i jugut me shpejtësi mesatare 1-8m/sek, e cila hera-herës fiton shpejtësi deri në 12-18m/sek. Valëzimi në det parashikohet i forcës 4-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 7/14 | Re shi |
| Kukës | 4/10 | Re shi/borë |
| Lezhë | 7/14 | Re shi |
| Dibër | 4/7 | Re shi/ borë |
| Durrës | 6/15 | Re shi |
| Tiranë | 8/15 | Re shi |
| Elbasan | 7/15 | Re shi |
| Berat | 6/16 | Re shi |
| Vlorë | 9/15 | Re shi |
| Korcë | 3/8 | Re shi/borë |
| Gjirokastër | 6/12 | Re shi |
| Sarandë | 7/15 | Re shi |
