TIRANË, 11 nëntor /ATSH/ Shërbimi Meteorologjik Ushtarak bën me dije se moti sot parashikohet i kthjellët në pjesën bregdetare dhe në zonat e ulëta. Në mesditë e pasdite përgjatë lindjes e juglindjes do të ketë vranësira mesatare e lokalisht të dendura.
Në orët e mëngjesit dhe pas perëndimit të diellit, ashtu si në ditët që po lemë pas do të mbizotërojë mjegulla e dendur përgjatë luginave.
Era do të fryjë në drejtimin juglindje e veriperëndim e lehtë e përkohësisht mesatare në bregdet.
Valëzimi në dete parashikohet i forcës 2 dhe 3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 6/20 | diell |
| Kukës | 3/10 | re diell |
| Lezhë | 7/20 | diell |
| Dibër | 2/13 | re diell |
| Durrës | 9/21 | diell |
| Tiranë | 9/23 | diell |
| Elbasan | 9/23 | diell |
| Berat | 5/24 | diell |
| Vlorë | 9/23 | diell |
| Korcë | 3/14 | re diell |
| Gjirokastër | 2/22 | re diell |
| Sarandë | 8/23 | diell |
