PRISHTINE, 3 qershor/ATSH/- Kryetari i AAK-së, Ramush Haradinaj, shprehet se qeveria e cila do të votohet sot nga Parlamenti i Kosovës, është jetike për vendin.
Haradinaj thekson se ekonomia është arsyeja më e fortë pse tani vendit i duhet një qeveri me legjitimet të plotë.
“Parlamenti i Kosovës sot voton qeverinë e re, që është jetike për vendin. Situata e krijuar si pasojë e shkarkimit të qeverisë dhe pandemisë, tashmë po shpërfaq pasoja të rënda në ekonominë e vendit dhe votimi i qeverisë së re, është më shumë se sa zgjedhja e një qeverie”, shprehet Haradinaj.
Haradinaj deklaron se vota për qeverinë e re është votë për Kosovën.
“Është përcaktimi ynë për një stabilitet politik, rimëkëmbje të ekonomisë, si dhe për normalitet në shtet! Vota për qeverinë e re, është votë për Kosovën!”, shprehet Haradinaj.
