TIRANË, 25 maj /ATSH/ Yield (interesi) mesatar i ponderuar për bonot e thesarit me maturim 12-mujor u ul në 2,08%, nga 2,25% që ishte në ankandin e mëparshëm.
Banka e Shqipërisë, bën të ditur se, në këtë ankand kërkesa e investitorëve për të blerë bono me afat 12-mujor, arriti shumë prej 16,6 miliardë lekë, ndërkohë që u shitën 10,7 miliardë lekë.
Banka e Shqipërisë bën të ditur se situata e COVID-19 nuk e ka ndërprerë rrjedhën normale të kreditimit.
Sistemi bankar në vend është likuid dhe i mirëkapitalizuar dhe Banka Qendrore ka nën mbikëqyrje monitorimin e treguesve financiarë. e.xh/ /a.g/r.e/
