TIRANË, 12 qershor/ATSH-ANSA/ VAR do të shërbejë si një “parashutë” për të parandaluar gjyqtarët që të ndiejnë “pasojat e rënda” të gabimit të tyre.
Kështu deklaroi ish-gjyqtari i mirënjohur Pierluigi Collina, duke komentuar mbi teknologjinë e re, që do të përdoret për herë të parë këtë vit në një kampionat botëror.
Kolina ka specifikuar se gjyqtarët e pranishëm në turne janë më të mirët, por “nëse ata bëjnë një gabim në një ndeshje të rëndësishme, njerëzit do të harrojnë meritat e tyre të kaluara dhe do të kujtojnë vetëm këtë gabim”.
“Gjyqtarët e zgjedhur për të drejtuar ndeshjet e Kupës së Botës janë të gatshëm për fillimin e turneut”. Presidenti i komisionit të gjyqtarëve të FIFA-s, Pierluigi Collina, paraqiti “ekipin e tij” dy ditë para fillimit të Kupës së Botës 2018.
“Ishte një proces i gjatë dhe i mundimshëm, por tani gjyqtarët dëshirojnë të fillojnë”, – tha Collina në një konferencë për shtyp ditën e sotme, duke nënvizuar nivelin e lartë të përgatitjes të arritur nga drejtorët e garës. Collina theksoi se pas ardhjes së tyre në Rusi, gjyqtarët arbitruan disa ndeshje për të “fituar ritmin” e Kupës së Botës. /r.e/
