TIRANË, 10 Maj/ATSH/- Ëndrra e një nate vere…. ose pranvere! Fustanet e mbrëmjeve në pasarelat e sezonit janë kaq romantike, të këndshme dhe elegante sa duken si magji e pastër, një magjepsje me sy hapur.
Tendencat e modës pranverë-verë 2018 kanë bërë një zhytje në romanticizëm dhe rezultati është një feminilitet poetik.
Një magji e tylit, mëndafshit, dantellës, puplave dhe teminave që e çon elegancën deri tek yjet.
Moda e mbrëmjes e sezonit është një magji e rrobaqepësisë që krijon iluzione të ëmbla të një bukurie mahnitëse me fustanet elegantë të parë në pasarela.
E zeza, e bardha dhe ngjyrat pastel janë nuancat më të kërkuara të sezonit dhe shfaqen në mëndafshet dhe copat më të bukura dhe të kërkuara.
Fustanet e gjatë, për ballot e mëdha, por edhe ata të shkurtër për një mbrëmje shik. Motivet e luleve , qëndisjet e çmuara dhe apikacionet shkëlqyese me kristale, për të ndriçuar mbrëmjet tuaja me fustane ëndrrash të gatshme për t’u shndërruar në realitet. /k.s/
