TIRANË, 3 qershor/ATSH/- Një ditë e veçantë sot në COD. Me moton “Dhuro dashuri”, fëmijët e shtëpisë së fëmijës “Zyber Hallulli” dhe shtëpisë së foshnjës “Hana dhe Rozafa”, ishin mysafirët e nderit në ambientet e COD.
Fëmijët ndanë disa orë së bashku, me muzikë, kërcim dhe numra cirku nga mjeshtrat e Cirkut Kombëtar. Fëmijët e talentuar të Qendrës Kombëtare të Kulturës për Fëmijë interpretuan në violinë, kërcim dhe këngë për bashkëmoshatarët e tyre.
