ATHINË, 9 janar /ATSH-ANA/- Eksportet greke u rritën 16,3 % në nëntor të vitit të kaluar, por deficiti tregtar i vendit vazhdoi të rritej 5,7% në muaj, theksoi Autoriteti Statistikor Grek.
Shërbimi statistikor, në një raport mujor, tha se vlera e importeve arriti në 4,591 miliardë euro në nëntor, nga 4,081 miliardë në nëntori n e vitit 2017, me një rritje prej 12,5%.
Vlera e eksporteve arriti në 3,043 miliardë euro në muajin nëntor, ose 16,3% më shumë duke përjashtuar eksportet e produkteve të naftës.
Deficiti tregtar i vendit arriti në 1,548 miliard euro në muajin nëntor.
Në periudhën janar-nëntor 2018, vlera e importeve arriti në 51,036 miliardë euro, duke u rritur me 10.7% krahasuar me të njëjtën periudhë të vitit 2017 (duke përjashtuar importet e produkteve të naftës të cilat u rritën me 3,4% dhe duke përjashtuar produktet e naftës dhe importet e anijeve të cilat u rritën me 8,8%).
Deficiti tregtar i vendit arriti në 20,181 miliard euro në periudhën janar-nëntor, duke u rritur 1,6 % nga 2017./ /os/ a.jor.
