PANAMA, 24 dhjetor /ATSH-ANSA/ – Kanali i Panamasë nuk është i negociueshëm, përsëriti presidenti panamez, José Raúl Mulino, së bashku me tre ish-liderë të tjerë, përballë kërcënimeve nga presidenti i zgjedhur i SHBA-së, Donald Trump, për të rimarrë kanalin ndëroqeanik nëse çmimet e tarifave për anijet amerikane nuk ulen.
”Sovraniteti i vendit dhe kanalit tonë janë të panegociueshme”, tha Mulino në një deklaratë të nënshkruar së bashku me ish-presidentët panamezë, Ernesto Pérez Balladares, Martin Torrijos dhe Mireya Moscoso.
“Është pjesë e historisë sonë të luftës dhe pushtimit të pakthyeshëm”, thuhet në deklaratën e lëshuar pas një takimi të nënshkruesve në Pallatin Las Garzas, selia e qeverisë.
Edhe ish-presidentët Ricardo Martinelli, në azil në ambasadën e Nikaraguas dhe Laurentino Cortizo, i munguar në takim, shprehën në rrjetet sociale kundërshtimin e tyre ndaj kërcënimeve të Trump./ /os/
