KIEV, 8 gusht /ATSH-AFP/- Presidenti Volodymyr Zelensky tha sot se Rusia duhet të “ndiejë” pasojat e luftës së saj pasi inkursioni i madh ukrainas përtej kufirit rus vazhdon në ditën e tretë.
“Forcat pro-Kievit sulmuan rajonin jugperëndimor të Rusisë, Kursk të martën në mëngjes, duke dislokuar rreth 1000 trupa dhe mbi 20 automjete të blinduara dhe tanke”, sipas ushtrisë ruse.
Duket të jetë sulmi më i rëndësishëm ukrainas në Rusi që nga fillimi i luftës – ndërsa analistët e pavarur kanë sugjeruar se trupat e Kievit kanë avancuar deri në 10 kilometra në Rusi.
“Rusia solli luftën në tokën tonë dhe duhet të ndjejë atë që ka bërë”, tha Zelensky në fjalimin e tij të mbrëmjes, pa iu referuar drejtpërdrejt ofensivës.
“Ukrainasit dinë se si t’i arrijnë qëllimet e tyre. Dhe ne nuk zgjodhëm t’i arrijmë qëllimet tona në luftë”, shtoi ai.
Ministria ruse e Mbrojtjes tha sot se trupat e saj po “vazhdonin të shkatërronin” njësitë e armatosura ukrainase duke përdorur sulme ajrore, raketa dhe zjarr artilerie për t’i larguar ato.
Instituti i pavarur për Studimin e Luftës (ISW) me qendër në SHBA tha se Ukraina kishte bërë përfitime të konsiderueshme territoriale gjatë dy ditëve të para të inkursionit.
“Forcat ukrainase kanë bërë progres deri në 10 kilometra në rajonin e Kurskut të Rusisë – mes operacioneve të mekanizuara të vazhdueshme sulmuese në territorin rus”, thuhet në përditësimin e saj të fundit.
“Përmasat e konfirmuara aktuale dhe vendndodhja e avancimeve ukrainase në rajonin e Kurskut – tregojnë se forcat ukrainase kanë depërtuar në të paktën dy linja mbrojtëse ruse dhe një bastion”, tha ISW. //a.i/
