TIRANE, 1 tetor/ATSH/ Shërbimi Meteorologjik Ushtarak bëri të ditur se për ditën e diel vendi ynë do të jetë nën ndikimin e kushteve atmosferike të qëndrueshme për shkak të masave ajrore relativisht të thata me origjinë veriperëndimore.
Moti parashikohet i kthjellët si dhe vranësira kalimtare hera-herës deri të dendura kryesisht në relievet malore të vendit. Në këto relieve në momentin e vranësirave të dendura reshje shiu tepër afatshkurtra dhe të dobta.
Era do të fryjë me drejtim veriperëndim – verilindje me shpejtësi mesatare 1-8 m/sek, ndërsa përgjatë vijës bregdetare dhe lugina era bëhet relativisht intensive dhe shpejtësi 10 – 16 m/sek duke u shoqëruar me valëzim në dete të forcës 1-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 15/29 | Diell |
| Kukës | 10/26 | Diell re |
| Lezhë | 17/28 | Diell |
| Dibër | 9/26 | Diell re |
| Durrës | 16/30 | Diell |
| Tiranë | 16/30 | Diell |
| Elbasan | 16/31 | Diell |
| Berat | 13/32 | Diell |
| Vlorë | 16/29 | Diell |
| Korcë | 10/24 | Diell re |
| Gjirokastër | 11/30 | Diell re |
| Sarandë | 14/29 | Diell |
