TIRANË, 28 shtator/ATSH/ Shërbimi Meteorologjik Ushtarak bëri të ditur se për ditën e enjte vendi ynë do të jetë nën ndikimin e kushteve atmosferike të qëndrueshme për shkak të masave ajrore të relativisht të thata me origjinë veriore.
Moti parashikohet i kthjellët në pjesën më të madhe të territorit. Në orët e mesditës dhe pasdites në relievet kodrinore – malore të vendit kryesisht në jug dhe lindje alternime vranësirash hera-herës deri të dendura. Këto vranësira në relievet malore në jug do të shoqërohen me reshje shiu afatshkurtra dhe intensitet të ulët.
Era do të fryjë me drejtim verilindje – veriperëndim me shpejtësi mesatare 1-6m/sek, duke u shoqëruar me valëzim në dete të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 17/27 | Diell |
| Kukës | 13/26 | Diell re |
| Lezhë | 20/28 | Diell |
| Dibër | 11/23 | Diell re |
| Durrës | 18/30 | Diell |
| Tiranë | 17/30 | Diell re |
| Elbasan | 16/33 | Diell re |
| Berat | 15/31 | Diell re |
| Vlorë | 17/29 | Diell re shi |
| Korçë | 12/23 | Diell re shi |
| Gjirokastër | 13/30 | Diell re shi |
| Sarandë | 17/27 | Diell re |
