SOFJE, 20 shtator /ATSH-DPA/ – Qeveria bullgare ka rënë dakord për një pezullim të përkohshëm të importeve të farave të lulediellit nga Ukraina pas protestave të fermerëve, deklaroi kryeministri Nikolai Denkov, duke u zotuar të mbështesë prodhimin e fermerëve vendas.
Ilija Prodanov, përfaqësuesi i fermerëve që protestonin theksoi se ”marrëveshja me qeverinë është arritur në mbrëmjen e mëparshme”.
Importi i farave ukrainase do të ndalet derisa të dy vendet të bien dakord për kuotat përkatëse të importit.
Prodhuesit bullgarë të drithërave po bëjnë gjithashtu thirrje për ndalimin e importeve të grurit, misrit dhe farave të rapit nga Ukraina, pasi kanë frikë nga konkurrenca e pandershme nga Ukraina.
Për të arritur një marrëveshje mes Bullgarisë dhe Ukrainës do të duhet të presim takimin e planifikuar për këtë çështje ndërmjet Komisionit Evropian dhe Ukrainës./ /os/
