TIRANË, 5 tetor /ATSH/- Politikat e qeverisë janë në drejtimin e duhur për uljen e nivelit të varfërisë në Shqipërisë.
Kështu u shpreh sot ministri i Financave dhe Ekonomisë Arben Ahmetaj, gjatë konferencës për shtyp me gazetarë, duke argumentuar se falë reformave ekonomia është rritur mbi nivelin 4% krahas masave me paketa mbështetëse sociale.
Ne kemi arritur të ngushtojmë pabarazinë mes familjeve me të ardhura të larta dhe familjeve me të ardhura të ulëta, theksoi Ahmetaj.
“Varfëria luftohet me reforma. Ulja e saj është një qëllim për të gjitha qeveritë dhe partitë. Këtu mund të vërtetojmë se çfarë do të thotë të bësh reforma të thella. Ndonëse ka ende për të bërë. Por dua të theksoi, tha ai, se në çdo 6 mujor ka rritje ekonomike”. e.xh/ /a.g/
