TIRANË, 24 prill/ATSH/ Teatri Kombëtar i Operas dhe Baletit do të vërë në skenë, për 3 netë, operën “Samsoni dhe Dalila”. Opera e kompozitorit francez Charles-Camille Saint-Sawns, të epokës romantike, do të shfaqet për publikun sot, në datën 26 dhe 28 prill.
Opera, me libret të Ferdinand Lemaire, është shkruar në fillimet e luftës franko-prusiane.
“Samsoni dhe Dalila” vjen si një produksion tërësisht i ri që kthen pas në kohë, brenda tempujve të Filistinëve, me skenat e gjuhës simbolike monumentale dhe kostume tërësisht të veçanta.
Në një këndvështrim plotësisht origjinal mes dashurisë së Samsonit, udhëheqësit guximtar të hebrenjve, dhe Dalilës, priftëreshës së perëndisë Dagon.
Ky produksion unik e i jashtëzakonshëm realizohet si bashkëpunim mes TKOB me Operan e Metz-it në Francë.
/r.e/
