BRAZILIA, 26 janar /ATSH/ – Angerson dos Santos me gjatësinë e tij prej 60 centimetrash dhe një peshë prej 7,5 kilogramësh është një nga fëmijët më të mëdhenj të lindur ndonjëherë në botë, shkruan faqja today.it.
I porsalinduri lindi me prerje cezariane në spitalin ”Padre Colombo” në Parintins, në shtetin e Amazonës, në Brazil.
Vendimi për një lindje cesariane u mor nga mjekët kur nëna 27-vjeçare, Cleidiane Santos dos Santos, shkoi në spital për një vizitë rutinë obstetrike.
“Shumë e rrezikshme për ta çuar shtatzëninë deri në fund me lindje natyrale prandaj zgjedhja e shtrimit në spital dhe e prerjes cezariane ishte zgjedhja e duhur’’, theksuan mjekët.
Megjithatë, rasti i jashtëzakonshëm nuk paraqet një rekord që sipas rekordeve botërore Guinness e mban zonja Carmelina Fedele e cila në Aversa në vitin 1955 lindi një të porsalindur me peshë 10,2 kilogramë. /os/
