PRISHTINË, 20 janar/ATSH/ Ministria e Kulturës së Kosovës ka filluar restaurimin dhe ndërhyrjet emergjente në monumente të trashëgimisë kulturore në rajonin e Ferizajt. Një nga ndërhyrjet emergjente që do të bëhen këtë vit, është ajo në Xhaminë e Firajës.
Ky objekt fetar është ndërtuar në vitin 1554 dhe përveç historisë qindra-vjeçare që përcjell, është interesant edhe nga pikëpamja arkitekturore.
Ndryshe nga shumica e xhamive, kjo është një xhami pa minare por me një ballkon. Gjurmët e para të kulturës dhe qytetërimit islam në Ferizaj identifikohen përmes Xhamisë së Firajës.
Xhamia pa minare është ndërtuar në pjesën jugore të fshatit Firajë dhe është monument i rëndësishëm i trashëgimisë kulturore shqiptare.
