TIRANË, 22 nëntor /ATSH/ Skemat e mbështetjes në bujqësisë, veçanërisht ajo e naftës pa taksa dhe e grurit, kanë ndikuar në rritjen e prodhimit vendas të drithërave.
Shifrat e publikuar nga INSTAT tregojnë se importet e drithërave në sasi shënuan rënie të fortë gjatë periudhës janar-tetor 2022, jo e zakontë kjo në vitet e mëparshme.
Sipas INSTAT, gjatë 10-mujorit u importuan rreth 193 mijë tonë drithëra, nga më shumë se 266 mijë tonë në të njëjtën periudhë të vitit të kaluar, me rënie 27.4%.
Ekspertët e Ministrisë Bujqësisë dhe Zhvillimit Rural shprehen se, skemat e subvencionimit kanë mbështetur rritjen e prodhimit vendas dhe aq më shumë së fundi prodhimin e drithërave nga frika e bllokimit të furnizimeve nga lufta në Ukrainë.
/r.e/
