TIRANË, 30 prill/ATSH/ Shërbimi Meteorologjik Ushtarak bëri të ditur se ditën e sotmen vendi ynë do të ndikohet nga kushte atmosferike moti relativisht të paqëndrueshme.
Në këtë mënyrë moti parashikohet me kthjellime e vranësira kalimtare deri në orët e mesditës. Më pas shtim vranësirash mesatare dhe hera-herës deri të dendura në një pjesë të madhe të vendit.
Në orët e nxehta të ditës (mesditë deri pasdite) kryesisht në relievet kodrinore – malore të vendit reshje shiu të herëpashershme me intensitet të ulët.
Përreth zonave malore reshjet do të jenë në formën e rrebesheve dhe stuhive shoqëruar me breshër dhe shkarkesa elektrike por në periudha jo afatgjata. Era do të fryjë me drejtim verilindje – veriperëndim dhe shpejtësi mesatare 1-8m/s ndërsa në bregdet dhe lugina era hera-herës intensive dhe shpejtësi që arrin deri në 10-12m/s.
Temperaturat parashikohen:
| QYTETET | Temperaturat në °C | Sigla |
| Shkodër | 15/24 | Diell re |
| Kukës | 10/24 | Diell re shi/stuhi |
| Lezhë | 17/24 | Diell re |
| Dibër | 9/22 | Diell re shi/stuhi |
| Durrës | 14/23 | Diell re |
| Tiranë | 15/25 | Diell re shi/stuhi |
| Elbasan | 16/25 | Diell re shi/rrebesh |
| Berat | 11/24 | Diell re shi/rrebesh |
| Vlorë | 13/23 | Diell re shi |
| Korçë | 8/24 | Diell re shi/rrebesh |
| Gjirokastër | 11/25 | Diell re shi/rrebesh |
| Sarandë | 13/23 | Diell re |
