KALIFORNI, 21 janar /ATSH-AFP/ – Rokeri i njohur amerikan, Meat Loaf, i famshëm për “Bat Out of Hell”, një nga albumet më të shitur të të gjitha kohërave, vdiq në moshën 74-vjeçare, sipas një deklarate të postuar në llogarinë e tij në Facebook.
“Me zemër të thyer ju njoftojmë se sonte ka vdekur i pakrahasueshmi Meat Coaf”, thuhet në një mesazh nga vajzat e tij Pearl dhe Amanda.
I njohur në vitet 1970 për cilësitë e tij vokale dhe skenike, Meat Loaf pati sukses në mbarë botën në 1977 me albumin e tij “Bat out of Hell” (mbi 43 milionë kopje të shitura).
I lindur në Teksas, këngëtari, emri i vërtetë i të cilit është Marvin Lee Aday, ka bërë emër edhe në film për rolet e tij në muzikalin “The Rocky Horror Picture Show” (1975) ose në filmin “Fight Club” (1999). ) të David Fincher./ /os/
