TIRANË, 13 janar/ATSH/ Zv.ambasadori i SHBA-së në Tiranë, Demian Smith, i dorëzoi sot Motrës Imelda Poole çmimin prestigjioz të Departamentit të Shtetit “Heroinë kundër Trafikimit të Qenieve Njerëzore”, marrë për përpjekjet e saj për të luftuar trafikimin në Shqipëri dhe Europë.
Motra Poole është një prej vetëm tetë personave në botë, të cilëve u është dhënë çmimi “Hero kundër Trafikimit të Qenieve Njerëzore” në vitin 2021.
Zëvendësministrja e Brendshme, Romina Kuko dhe presidentja e Fondacionit “Mary Ward Loreto”, Ana Stakaj, iu bashkuan stafit të Ambasadës për të nderuar përpjekjet e Motrës Poole për të çuar përpara shërbimet mbrojtëse, komunikuese dhe rehabilituese në luftën kundër trafikimit të qenieve njerëzore.
Motra Poole mori pjesë në një ceremoni virtuale të ndarjes së çmimeve në 2021-shin me Sekretarin Amerikan të Shtetit, Antony Blinken.
/m.m/j.p/r.e/
