TIRANË, 16 shkurt /ATSH/ Mundësi shqiptar Islam Dudaev ka siguruar finalen e kampionatit Europian të mundjes, që po zhvillohet në Bukuresht të Rumanisë.
Komiteti Olimpik Kombëtar Shqiptar bëri të ditur sot se, Dudaev në ndeshjen e parë mposhti turkun Toprak, me rezultatin 6-3.
Në garën me rumunin Coman, Dudaev e dominoi përballjen në tapet duke marrë rezultatin 8-1.
Në ndeshjen e tretë Dudaev fitoi pastër me francezin Arsamerzouev, me rezultatin 4-0.
Ndërsa ndeshja që i siguroi finalen ishte ajo ndaj mundësit nga Azerbajxhani, ndeshje të cilën e fitoi me rezultatin 3-1.
/r.e/
