PRISHTINË, 18 dhjetor/ATSH/ Ambasadori gjerman në Kosovë, Jorn Rohde ka dorëzuar vizën historike të fundit turistike që e lëshon ambasada gjermane në Prishtinë.
Kjo ndodhi vetëm disa ditë para liberalizimit të vizave të qytetarëve nga Kosova.
Nga ana e tij, Rohde tha se e ka mbajtur premtimin që e ka dhënë rreth liberalizimit të vizave të kosovarëve.
Personi që e pranoi këtë vizë ishte Bujar Rrustemi nga Vushtrria i cili tha se ndihet i lumtur për këtë rast dhe se do të shkojë në Gjermani për vizitë te familjarët.
Ai njëheraz falënderoi shtetin gjerman për mbështetjen ndaj Kosovës. /KosovaPress/
