TIRANË, 6 nëntor /ATSH/ Komiteti Olimpik Kombëtar Shqiptar (KOKSH) mbështeti përmes Solidaritetit Olimpik trajnimin e trajnerëve dhe gjyqtarëve të Taekwondo-s, të cilët do t’i nënshtrohen një seminari dyditor me një nga trajnerët më të mirë në botë, Mario Glasnovic.
I pranishëm në nisjen e praktikës me trajnerin kroat, ishte edhe presidenti i KOKSH-it, Fidel Ylli, i cili theksoi se, këto aktivitete po financohen për të shpërndarë sportin e Taekwondo-s në të gjithë Shqipërinë.
Pjesëmarrësit do të ushtrohen deri më 8 nëntor, ku trajnimi do të jetë i organizuar si në teori, ashtu edhe në disa palestra, për t’u certifikuar në përmbyllje të veprimtarisë sportive.
/r.e/
