TIRANË, 27 shtator/ATSH/ Shërbimi Meteorologjik Ushtarak bëri të ditur se për ditën e mërkurë vendi ynë do të jetë nën ndikimin e kushteve atmosferike relativisht të paqëndrueshme për shkak të masave ajrore të lagështa me origjinë jugperëndimore.
Moti parashikohet me alternime vranësirash e kthjellime. Vranësirat e dendura do të jenë më tepër të theksuara përgjatë relieveve malore në lindje dhe zonën e jugut. Reshje shiu të herëpashershme me intensitet të ulët dhe në mënyrë të izoluar deri mesatar në formën e shtrëngatave. Mjegullinë nga reshjet e shiut në zonën e jugut.
Era do të fryjë me drejtim veri-verilindje me shpejtësi mesatare 1-8m/sek, përgjatë vijës bregdetare kryesisht në bregdetin perëndimor dhe zonat luginore era do te jete relativisht intensive dhe shpejtësi 10-12 m/sek, duke u shoqëruar me valëzim në dete të forcës 2-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 13/25 | Diell re |
| Kukës | 13/25 | Re diell |
| Lezhë | 15/25 | Diell re |
| Dibër | 11/23 | Re diell |
| Durrës | 17/29 | Diell re |
| Tiranë | 18/26 | Diell re |
| Elbasan | 15/28 | Diell re |
| Berat | 16/26 | Diell re |
| Vlorë | 18/28 | Diell re/shi |
| Korçë | 10/24 | Re shi / diell |
| Gjirokastër | 14/26 | Diell / re shi |
| Sarandë | 16/27 | Diell / re shi |
