UELLINGTON, 22 /ATSH/ – Një alpinist i mbijetoi “mrekullisht” një rënie prej rreth 600 metrash, duke pësuar vetëm lëndime të lehta pas një fluturimi të gjatë në shpatin e malit, shkruan today.it.
Një lajm i pabesueshëm vjen nga Zelanda e Re: sipas asaj që raportohet nga policia lokale, alpinisti ka rënë gjatë një ekskursioni në malin Taranaki, 2518 metra i lartë i cili ndodhet në ishullin verior.
Sipas autoriteteve të Zelandës së Re “alpinisti ishte jashtëzakonisht me fat”: ai u shpëtua nga moti i pranverës, i cili kishte shkrirë akullin, duke bërë që alpinisti të binte në dëborën e butë.
Alpinisti ishte pjesë e një grupi alpinistësh që po përpiqeshin të arrinin majën e malit Taranaki.
Alpinisti rrëshqiti dhe ra në zbrazëti nën sytë e shokëve të tij. “Pasi panë kolegun e tyre alpinist që rrëshqiste nga mali dhe u zhduk në ajër, një anëtar i grupit zbriti në përpjekje për ta gjetur atë.
Në zonë ishte edhe një anëtar i Shërbimit të Shpëtimit Malor Taranaki i cili ndihmoi alpinistët të gjenin njeriun e rënë.
Një mrekulli e vërtetë, veçanërisht duke pasur parasysh reputacionin e tmerrshëm të malit Taranaki, i konsideruar si një nga malet më “vdekjeprurëse” në Zelandën e Re.
Në vitin 2021 dy alpinistë humbën jetën në tentativë për t’u ngjitur në të: sipas mjekut mjekësor të dy ishin të papërgatitur për atë lloj ngjitjeje, pavarësisht se ishin dy alpinistë. /os/
