TIRANË, 7 shtator/ATSH/ Shërbimi Meteorologjik Ushtarak bëri të ditur se për ditën e enjte vendi ynë do të jetë nën ndikimin e kushteve atmosferike relativisht të paqëndrueshme për shkak të masave ajrore të lagështa.
Moti parashikohet me alternime vranësirash mesatare dhe të dendura si dhe intervale kthjellimi. Vranësirat do të pasohen me reshje shiu me intensitet të ulët në pjesën më të madhe të vendit e lokalisht mesatar, përqendruar në relievet kodrinore-malore. Në mënyrë të izoluar dhe periudha tepër afatshkurtra këto reshje priten në formën e shtrëngatave me shkarkesa elektrike.
Era do të fryjë relativisht intensive me drejtim nga kuadrati i lindjes me shpejtësi deri 8m/s, ndërsa përgjatë vijës bregdetare, kryesisht në bregun verior dhe zonat luginore relativisht problematike dhe shpejtësi deri 17m/s. Valëzimi në dete do të jetë i forcës 2-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 21/34 | Diell re shi |
| Kukës | 17/30 | Diell re shi |
| Lezhë | 22/34 | Diell re shi |
| Dibër | 18/31 | Diell re shi |
| Durrës | 20/34 | Diell re shi |
| Tiranë | 21/35 | Diell re shi |
| Elbasan | 20/34 | Diell re shi |
| Berat | 21/35 | Diell re shi |
| Vlorë | 20/33 | Diell re shi |
| Korcë | 17/27 | Diell re shi |
| Gjirokastër | 19/33 | Diell re shi |
| Sarandë | 19/32 | Diell re shi |
