ATHINË, 25 gusht /ATSH-ANA/ – Kreu i opozitës greke, PASOK-Lëvizja për Ndryshim, Nikos Androulakis, ka vizituar fshatrat e komunës Iasmos në Rodopi, të prekura nga zjarret katastrofike.
Androulakis, së bashku me deputetin e PASOK-ut Ahmet Ilhan dhe anëtarët e partisë folën me banorët e prekur nga zjarri që humbën pronat e tyre dhe panë pasojat e zjarreve katastrofike.
Në deklaratat e tij, Androulakis foli për një “katastrofë biblike në Thraki”.
”Të gjitha zjarret që kanë ndodhur në Parnitha dhe në të gjithë vendin ditët e fundit tregojnë nevojën që vendi të investojë në parandalimin në mënyrë që të ketë forcën për të ndërhyrë duke adresuar kështu edhe pasojat e ndryshimeve klimatike”, deklaroi ai./ /os/
