LONDER,13 prill /ATSH-DPA/ – Misioni i Agjencisë Evropiane të Hapësirës (ESA) në Jupiter dhe hënat e tij është shtyrë për shkak të kushteve të pafavorshme të motit.
Anija kozmike prej gjashtë tonësh, e quajtur Juice (Jupiter Icy Moons Explorer), do të shkonte drejt planetit më të madh në sistemin diellor për të parë nëse hënat e tij të oqeanit mbështesin jetën.
Por një rrezik rrufeje ka ndalur përkohësisht atë që do të kishte qenë përpjekja e parë e agjencisë për të dërguar anije kozmike në orbitë rreth hënës së një planeti tjetër.
”Arianespace, e cila zhvilloi raketën Ariane 5 që mbart Juice”, theksoi në Twitter se përpjekja e radhës do të bëhej më 14 prill.
Josef Aschbacher, drejtor i përgjithshëm i Agjencisë Evropiane të Hapësirës, shkroi në Twitter: “Jo ajo që shpresonim, por kjo është pjesë e lojës.
“Shpresojmë që nesër të kemi qiell më të pastër”, shtoi ai. /os/
