FRANKFURT, 30 gusht /ATSH-DPA/- Linja ajrore gjermane “Lufthansa” njoftoi sot se flotës së Lufthansa i është shtuar avioni i parë “Dreamliner” me dy motorë,”Boeing 787-9″, duke zëvendësuar modelet më të vjetra të “Airbus” me katër motorë.
Sipas Lufthansa, avioni “Boeing 787-9” konsumon rreth 2.5 litra parafinë për pasagjer për 100 kilometra fluturim, duke e bërë atë 25% më efikas se paraardhësi i tij.
“Ky avion është i qëndrueshëm dhe u ofron klientëve një përvojë premium fluturimi,” tha shefi i Lufthansa, Jens Ritter.
Dorëzimi i avionit ishte vonuar për shkak të problemeve teknike në “Boeing” dhe urdhër ndalimit të dërgesave që u shfuqizua vetëm pak ditë më parë. //a.i/
