TIRANË, 21 dhjetor /ATSH/ Ministrja e Turizmit dhe Mjedisit, Mirela Kumbaro zhvilloi një vizitë në zyrat e Agjencisë Rajonale të Mjedisit në Fier.
Gjatë vizitës Kumbaro theksoi nevojën për të trajtuar me prioritet çështjet mjedisore dhe ankesat që vijnë nga qytetarët e bizneset për respektimin e kritereve të përcaktuara qartë nga ligji.
Kumbaro theksoi gjatë vizitës se me shtimin e dritares së re të denoncimit të krimit mjedisor në Komisariatin Digjital, inspektorët duhet të jenë bashkëpunëtorë të vyer krah Policisë së Shtetit dhe IKMT-së për dëmet që i bëhen natyrës.
“Në zyrat e Agjencisë Rajonale të Mjedisit në Fier duke takuar drejtuesit, punonjësit dhe inspektorët ku theksuam nevojën për të trajtuar me prioritet çështjet mjedisore dhe ankesat që vijnë nga qytetarët e bizneset për respektimin e kritereve të përcaktuara qartë nga ligji. Me shtimin e dritares së re të denoncimit të krimit mjedisor në Komisariatin Digjital, inspektorët duhet të jenë bashkëpunëtorë të vyer krah Policisë së Shtetit dhe IKMT-së për dëmet që i bëhen natyrës”, u shpreh Kumbaro.
