TIRANË, 5 nëntor/ATSH/ Sot u zhvillua mbledhja e dytë e komisionit hetimor parlamentar “Për kontrollin e ligjshmërisë së veprimeve të organeve publike në procedurat për ndërtimin dhe administrimin e impianteve të trajtimit të mbetjeve urbane”.
Në rendin e ditës ishte shqyrtimi dhe miratimi i Rregullores së Brendshme për funksionimin e Komisionit Hetimor, e cila u miratua me unanimitet në parim dhe nen për nen.
Kryetarja e komisionit, Jorida Tabaku u shpreh se, “ky komision do të veprojë mbi bazën e ligjit për Komisionet hetimore, mbi bazën e Kodit të Procedurës penale dhe mbi bazën e Rregullores së brendshme”.
Në përfundim të mbledhjes palët u dakordësuan parimisht për ditën dhe rendin e mbledhjes së ardhshme të komisionit hetimor.
Komisioni parlamentar u ngrit me Vendimin e Kuvendit nr. 81 /2021, me propozim të 39 deputetëve të Partisë Demokratike.
/r.e/
