BARCELONË, 2 nëntor /ATSH-AA/ – Futbollisti i Barcelonës, Sergio Aguero, do të jetë jashtë fushës së blertë për të paktën tre muaj pas kryerjes së testeve të zemrës, njoftoi klubi.
Sipas faqes zyrtare të klubit, ylli argjentinas i është nënshtruar një procesi diagnostikues dhe terapeutik pas të cilit nuk do të jetë në gjendje të luajë për një kohë, ndërkaq, efektshmëria e trajtimit do të vlerësohet për të përcaktuar procesin e tij të rikuperimit.
Futbollisti 33-vjeçar nuk u ndie mirë në pjesën e parë të ndeshjes së La Ligës mes Barcelonës dhe Alavesit të shtunën dhe u zëvendësua para pjesës së parë nga Philippe Coutinho.
Aguero më pas u dërgua në një spital për vlerësim kardiologjik.
Ish-lojtari i Manchester City-t ka shënuar një gol në pesë ndeshje për Barcelonën deri më tani./ /os/
