TIRANË, 28 tetor /ATSH/ Buxheti i vitit 2022 ka adresuar për sektorin e bujqësisë një fond prej 12.7 miliardë lekë, me fokus zhvillimin e sektorit rural në Shqipëri, rritjen e eksporteve dhe të punësuarve.
Sipas të dhënave zyrtare nga projektbuxheti 2022, për bujqësinë do të shkojnë 5.9 miliardë lekë për investime.
Ministria e Bujqësisë dhe Zhvillimit Rural ka vënë si objektiv për vitin 2022, zhvillimin e sektorit të bujqësisë dhe atij rural në Shqipëri, duke rritur numrin e të punësuarve në bujqësi dhe agropërpunim në afro 533 mijë të punësuar.
Gjithashtu fokus kryesor është edhe zgjerimi i sipërfaqeve të mbjella me fruta dhe perime; aktivitetet promovuese të produkteve shqiptare në bujqësi, blegtori dhe agropërpunim, si dhe rritjen e volumit të eksportit të produkteve bujqësore dhe të agropërpunimit në 44.3 miliardë lekë në vitin 2022.
/r.e/
