TIRANË, 20 tetor/ATSH/ Eliminimi i qeseve plastike njëpërdorimshe e të pariciklueshme, ishte fokusi i takimit që ministrja e Turizmit dhe Mjedisit, Mirela Kumbaro zhvilloi me përfaqësues të Bashkimit Tregtar të Shqipërisë.
“Sipërmarrjet e mëdha janë pa asnjë diskutim partnerë për të arritur objektivat e qarta në fushën e mjedisit”, u shpreh Kumbaro.
“Biseduam me përfaqësues të Bashkimit Tregtar të Shqipërisë për eliminimin e qeseve plastike njëpërdorimshe e të pariciklueshme si edhe për trajtimin e mbetjeve organike”, theksoi Kumbaro.
“U ndamë me premtimin se do të takohemi sërish shumë shpejt, për të vazhduar konsultimet e për të dëgjuar propozime konkrete. Mjedisi është një dhe na bashkon të gjithëve”, tha Kumbaro.
/r.e/
