Kumbaro: Sfida aktuale, ndalim i qeseve plastike

TIRANË, 15 tetor/ATSH/ Ministrja e Turizmit dhe Mjedisit, Mirela Kumbaro zhvilloi një takim me përfaqësues të sipërmarrjes.

Kumbaro u shpreh se, “ky ishte një takim njohës e shumë miqësor, por mbetet vetëm i pari në vazhdën e konsultimeve e bashkëpunimeve që do të kemi me sipërmarrjen”.

“Sfida aktuale, për të cilën duhet të gjejmë gjuhën e përbashkët, është ndalimi i qeseve plastike njëpërdorimshe të pariciklueshme”, theksoi Kumbaro.

“Ramë në një mendje me përfaqësues të kompanive në fushën e ricklimit se jo në planet futuriste, por e ardhmja jonë e afërt është ekonomia qarkulluese. Do t’i gjejmë të gjitha mënyrat që ta realizojmë këtë, duke plotësuar kërkesat e biznesit e njëkohësisht duke mbrojtur interesin publik”, tha Kumbaro.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.