NJU JORK, 4 tetor /ATSH–ANSA/ – “Ji i uritur, ji i çmendur” është mesazhi që Steve Jobs u la amanet të rinjve në fjalimin e tij të famshëm drejtuar studentëve të Universitetit të Stanfordit.
Bashkëthemeluesi i Apple ndërroi jetë më 5 tetor 2011 në moshën 56-vjeçare nga kanceri në pankreas dhe është bërë simbol i inovacionit dhe krijimtarisë.
Miti i tij mbetet gjallë edhe 10 vjet pas vdekjes së tij.
Shumë argumentojnë se vizioni i tij dhe trashëgimia e tij ende e lejojnë gjigantin Cupertino të jetë një pikë referimi në sektorë të ndryshëm, nga telefonat inteligjentë deri tek kompjuterët.
Ndërsa kompania në 10 vitet e ardhshme mund të përgatitej përsëri për një ndryshim drejtimi, me lamtumirën e Tim Cook.
Figura e tij karizmatike, një kurorë e përjetshme me xhinse dhe një xhup i zi, ende nuk është zëvendësuar në imagjinatën e zakonshme.
Ndoshta vetëm Elon Musk, me vizionin dhe paskrupulltësinë e tij, mund të ndezë entuziazëm të ri.
Steve Jobs, i lindur në San Francisko më 24 shkurt 1955, me prejardhje siriane nga ana e babait të tij, nuk u rrit nga prindërit, por u dha për birësim.
Disa vjet më parë artisti britanik Bansky e portretizoi atë, me një kompjuter dhe një çantë mbi supe, në kampin e refugjatëve në Calais, në Francë, për të tërhequr vëmendjen ndaj krizës së refugjatëve.
”Kompjuteri është një biçikletë për mendjen”, pat thënë Jobs.
Ai ishte gjithashtu themeluesi dhe CEO i ”Pixar Animation Studios” para blerjes nga kompania ”Walt Disney”, duke ndjerë në vitet 1980 se industria e argëtimit dhe përmbajtjes do të shpërthente, pikërisht ashtu siç ndodhi.
“Nuk ka ditë që ne të mos mendojmë për Steve Jobs, ai do të jetë gjithmonë ADN e Apple”, tha Tim Cook disa vjet më parë, duke përuruar teatrin kushtuar Jobs në Apple Park, selia e re e kompanisë Cupertino në të cilën themeluesi i saj kishte punuar deri në fund./ /os/
