SIDNEJ, 27 shtator /ATSH-DPA/- Kryeministri australian Scott Morrison deklaroi se nuk është i sigurt nëse do të marrë pjesë në konferencën globale të ndryshimit të klimës COP26 në Glasgow.
“Dua të them se kam një udhëtim jashtë shtetit dhe kam kaluar shumë kohë në karantinë këtë vit”, theksoi ai.
“Unë duhet të përqendrohem në gjërat këtu dhe me Covid-19. Australia do të hapet pikërisht në atë kohë, do të ketë shumë probleme për t’u trajtuar dhe unë duhet të merrem me to”, shtoi Morrison.
Udhëheqës nga e gjithë bota po planifikojnë të marrin pjesë, përfshirë presidentin amerikan Joe Biden.
Nuk është ende e qartë se kë mund të dërgojë Australia në konferencë në vend të Morrison.
Australia është ndër vendet me emetimet më të larta globale të dyoksidit të karbonit (CO2) për frymë dhe është një nga eksportuesit më të mëdhenj të qymyrit në botë.
Deri më tani qeveria e Kanberrës ka refuzuar të angazhohet për një objektiv zero të emetimeve zero deri në vitin 2050.
Një raport i kohëve të fundit i OKB -së thotë se ngrohja 2,7 gradë Celsius aktualisht pritet deri në vitin 2100, por marrëveshja klimatike e Parisit planifikon të kufizojë rritjen në 1,5 gradë Celsius nëse është e mundur.
Sekretari i përgjithshëm i OKB-së, Antonio Guterres tha se përpjekjet për mbrojtjen e klimës duhet të dyfishohen për ta arritur këtë./ /os/
