TIRANË, 26 shtator /ATSH/ Bankat tregtare në vend refuzuan rreth 16% të aplikimeve për kredi, në gjysmën e parë të këtij viti.
Banka e Shqipërisë bën të ditur se, kjo normë ka shënuar rënie krahasuar me gjashtëmujorin e një viti më parë, çka tregon për një lehtësim të ofertës për kredi nga sektori bankar.
Për bankat me kapital të huaj norma totale e refuzimit të aplikimeve për kredi është 21.1%. Ndërsa për bankat me kapital vendas norma e refuzimit të kredive shënoi 8.3%, nga niveli 7% që ishte në gjashtëmujorin 2020.
Gjatë gjashtëmujorit të parë 2021, bankat raportuan se kanë marrë në shqyrtim gjithsej 67 mijë aplikime për kredi. /a.a/
