PRISHTINË, 23 gusht/ATSH/ Në Kosovë vijon të rritet numri i rasteve aktive me COVID-19, si rrjedhim i shtimit të infektimeve të reja. Kështu, të dhënat zyrtare flasin për mbi 19 mijë raste aktive me COVID-19.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, njoftoi se në total numri i rasteve aktive është 19.695.
Në 24 orët e fundit janë dhënë 18.776 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 707.793 doza të vaksinës. Deri më sot 236.405 qytetarë janë vaksinuar me dozën e dytë.
