ROMË, 14 korrik /ATSH-ANSA/ – Amazon mund të shtojë në funksionet e altoparlantit të saj inteligjent një radar që regjistron ritmin e gjumit të përdoruesit.
Sipas “Bloomberg”, kompania sapo ka marrë dritën jeshile për pajisjen e re nga Komisioni Federal i Komunikimeve.
Në kërkesën për autorizim, e datës 22 qershor, ekziston një përshkrim i pajisjes, që kap lëvizjet në tre dimensione dhe për këtë arsye mund të kuptojë nëse personi po fle.
I njëjti sistem bën të mundur kontrollimin e funksioneve të gjumit përmes gjesteve.
“Përdorimi i ndjesorit të radarit për të analizuar gjumin mund të përmirësojë menaxhimin e higjienës së gjumit, duke sjellë përfitime të konsiderueshme shëndetësore për shumë përdorues dhe duke u mundësuar atyre të njohin problemet e mundshme të lidhura me gjumin”, shpjegoi kompania.
Kjo veçori duket shumë e ngjashme me atë që Google paraqiti në pajisjen e tyre Nest.
Edhe në këtë rast, në fakt, ritmi i gjumit monitorohet nga një radar./ /ervo/
