TIRANË, 21 qershor/ATSH/ Për ditën e hënë vendi ynë do të vijojë të ndikohet nga kushtet e qëndrueshme atmosferike falë vlerave të larta barike dhe masat ajrore të thata më origjinë nga Afrika e Veriut.
Në këtë mënyrë moti do të jetë i kthjellët por do të ketë edhe vranësira kalimtare nga orët e mesditës deri ato të pasdites.
Në relievet malore të vendit vranësirat hera-herës bëhen deri të dendura shoqëruar me reshje shiu në formën e shtrëngatave dhe rrebesheve afatshkurtër. Në zona të izoluara këto reshje do të shoqërohen edhe me breshër.
Era do të fryjë me drejtim jugperëndim-veriperëndim me shpejtësi mesatare 1-6m/s, dhe në bregdet deri në 8m/s shoqëruar me valëzim në dete të forcës 1 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 20/35 | Diell |
| Kukës | 17/35 | Diell re shi lokal |
| Lezhë | 20/35 | Diell |
| Dibër | 15/33 | Diell re shi lokal |
| Durrës | 21/33 | Diell |
| Tiranë | 22/37 | Diell |
| Elbasan | 20/37 | Diell pak re |
| Berat | 18/37 | Diell pak re |
| Vlorë | 20/34 | Diell |
| Korcë | 15/31 | Diell re shi lokal |
| Gjirokastër | 16/37 | Diell pak re |
| Sarandë | 19/32 | Diell |
/j.p/
