KOPENHAGË, 14 maj /ATSH-DPA/ – Danimarka po lehtëson rregullat e saj të hyrjes për turistët duke filluar nga sot.
Arsyeja e vlefshme për hyrjen e kërkuar më parë, të tilla si vizita te të afërmit ose partnerët, nuk do të zbatohet më për njerëzit nga vendet e BE-së dhe Schengenit.
Ndryshimi vlen për vendet ku situata e koronavirusit nuk konsiderohet shumë e rëndë.
Sidoqoftë, siç u njoftua dje nga ministria e Jashtme daneze, pushuesit dhe ardhjet e tjera do të duhet akoma të testohen dhe karantinohen pas mbërritjes në Danimarkë nëse nuk janë vaksinuar kundër Covid-19 ose nuk janë shëruar nga një infeksioni.
Turistët dhe të tjerët nga zona kufitare gjermano-daneze dhe rajonet kufitare me Suedinë do të përjashtohen nga regjimi i karantinës. Për ta tani është e mjaftueshme të paraqesin një test negativ jo më të vjetër se 72 orë në kohën e hyrjes.
Kërkesa për karantinë për vendet me numra të pranueshëm të koronavirusit do të hiqet duke filluar nga 26 qershori, sipas burimeve të ministrisë. Njerëzit e vaksinuar plotësisht nga shumë vende të BE dhe Schengen tashmë janë lejuar të kthehen në vend që nga fillimi i majit. /os/
