LONDER, 23 janar /ATSH/ – Nëse mbretëresha Elizabeth është ende në izolim paraprak në kalanë Windsor, së bashku me bashkëshortin Philip, u takoi Kate Middleton dhe William të merrnin vendin e saj.
Për shkak të bllokimit, çifti i ri ndodhet ende në rezidencën e tyre Anmer Hall në Norfolk.
Ata nuk janë kthyer në pallatin Kensington siç ishte planifikuar pas pushimeve të Krishtlindjeve.
Por, për të punuar ata huazuan një shtëpi nga madhëria e Saj, afër Sandringham.
Siç deklaruan burime pranë pallatit, Kate dhe William “kishin akses në dhomën e miqve të mbretëreshës Elizabeth II në Sandringham House për të vazhduar punën e tyre gjatë bllokimit”.
Nga atje, në fakt, ata u lidhën me video-konferencë me punëtorët e vijës së frontit të angazhuar në programin më të madh të vaksinimit në historinë e Shërbimit Kombëtar Britanik.
Deri më tani 4,6 milionë britanikë kanë marrë dozën e parë të vaksinës, ndërsa 140 persona vaksinohen çdo minutë në Angli.
Kate dhe William falënderuan stafin e kujdesit shëndetësor për misionin.
Mbretëresha, 94 vjeçe, dhe princi Philip, 99, u vaksinuan më 8 janar. /os/
