TIRANË, 9 dhjetor /ATSH/ Shërbimi Meteorologjik Ushtarak bën të ditur se ditën e mërkurë parashikohet të ketë mot kryesisht të vranët.
Reshje shiu që në orët e para të 24-orëshit me intensitet mesatar e deri të lartë në Jugperëndim të vendit. Në veri-verilindje në lartësinë mbi 600 metra do ketë reshje bore, ndërsa në juglindje në lartësinë mbi 900 metra.
Do ketë prezencë mjegulle të dendur në lugina në orët e mëngjesit dhe ngrica në ekstremet malore.
Era do të fryjë në drejtimin juglindje me shpejtësi mesatare 1-10m/s, e cila hera-herës do jetë e fortë përgjatë vijës bregdetare dhe zonat luginore me shpejtësi deri në 20-25m/s. Valëzimi në dete parashikohet i forcës 5 dhe 6.
Temperaturat parashikohen:
| QYTETET | Temperaturat në °C | Sigla |
| Shkodër | 10/12 | re shi rrufe |
| Kukës | 7/9 | re shi bore |
| Lezhë | 11/13 | re shi rrufe |
| Dibër | 5/7 | re shi bore |
| Durrës | 10/14 | re shi rrufe |
| Tiranë | 12/16 | re shi rrufe |
| Elbasan | 9/13 | re shi |
| Berat | 8/14 | re shi |
| Vlorë | 9/14 | re shi rrufe |
| Korcë | 5/7 | re shi bore |
| Gjirokastër | 5/8 | re shi |
| Sarandë | 9/14 | re shi rrufe |
