PRISHTINË, 6 nëntor/ATSH/- Njësitet policore të EULEX kanë bastisur mëngjesin e sotëm shtëpinë e ish-presidentit të Kosovës, Hashim Thaçi, banesën e kryetarit të PDK-së, Kadri Veselit dhe banesën e Shefit të Grupit Parlamentar të Vetëvendosjes, Rexhep Selimi.
Në deklaratën për shtyp, Dhoma e Specializuara në Hagë deklaron se “Zyra e Prokurorit të Specializuar (ZPS) aktualisht është duke kryer operacione në Kosovë”.
“ Operacionet e ZPS-së po kryhen me mbështetjen e Policisë së Kosovës dhe Misionit të Bashkimit”, thuhet në njoftimin e Dhomave të Specializuara.
Kontrolle janë kryer edhe brenda selisë qendrore të PDK./KosovaPress/
