LONDËR, 14 shtator /ATSH-DPA/ – Astronomët njoftuan sot se kanë identifikuar molekula të rralla në retë e Venusit, që japin prova për shenja jete në fqinjën më të afërt planetare të Tokës.
“Retë e Venusit përmbajnë fosfinë në një përqendrim prej rreth 20 molekulash në çdo një miliard”, vlerësuan studiuesit nga Britania e Madhe, Japonia dhe SHBA-ja.
“Llogaritjet duket se veçojnë fosfinë që prodhohet nga procese jobiologjike, të tilla si shpërthime vullkanike, stuhi, rrezet e diellit ose pluhuri”, thanë ata, duke i botuar gjetjet e tyre në revistën “Nature Astronomy”.
Astronomët kanë spekuluar prej kohësh se retë e Venusit mund të përmbajnë mikrobe të afta të tolerojnë aciditetin e skajshëm.
Sipas studiuesve, zbulimi i fosfinës, i formuar nga hidrogjeni dhe fosfori, mund të tregojë praninë e një jete jashtëtokësore ajrore./ /ervo/
