MILANO, 22 korrik /ATSH-DPA/ – Milani ka vendosur të zgjasë kontratën e menaxherit Stefano Pioli me dy vjet, deklaroi ekipi i Serie A të martën në mbrëmje.
Lajmi erdhi pasi Milani mundi Sassuolo në një fitore 2-1.
Muajt e fundit ishte spekuluar se trajneri gjerman Ralf Rangnick mund të transferohej në Itali.
Por, përfaqësuesit e tij thanë në një deklaratë se negociatat kishin përfunduar dhe të dy palët kishin vendosur që nuk ishte koha e duhur për të marrë një rol te Milani.
Pioli më parë ishte përballur me kritika, por skuadra e tij ka rritur lojën pasi futbolli italian është rikthyer nga bllokimi prej koronavirusit dhe deri më tani skuadra nuk është mposhtur.
Zgjatja e kontratës do të thotë që Pioli do të qëndrojë si trajner deri në qershor 2022. /os/
