FRANKFURT, 24 qershor /ATSH-AFP/- Aksioneri kryesor i “Lufthansa”, miliarderi Heinz Hermann Thiele, njoftoi sot në mbrëmje se ai do ta miratonte planin e shpëtimit të kompanisë kryesore ajrore europiane.
“Unë do ta votoj projekt-marrëveshjen në një mbledhje të përgjithshme të aksionerëve vendimmarrës, e planifikuar për këtë çështje të enjten”, tha biznesmeni 79-vjeçar për të përditshmen “Frankfurter Allgemeine Zeitung”.
Plani i ndihmës mbulon 9 miliardë euro dhe parashikon rikthimin e deri 20 % të kapitalit të “Lufthansa”-s në duart e shtetit./ /ervo/
