BERLIN, 6 qershor /ATSH-DPA/ – Salwa Eid Naser nga Bahrani, kampionia botërore e atletikës për vrapin 400 metra, me kohën e tretë më të shpejtë në distancë, është pezulluar përkohësisht për shkeljen e rregullave të kontrollit të dopingut.
Njësia e Integritetit të Atletikës (AIU), njoftoi se 22 vjeçarja ishte dënuar për gabime të vendndodhjes, një shkelje kjo e rregullave të anti-Dopingut të Atletikës Botërore.
Eid Naser mund të përballet me një pezullim dyvjeçar, gjë që do ta përjashtonte nga Lojërat Olimpike të Tokios 2020, që pritet të zhvillohen vitin e ardhshëm.
Vitin e kaluar në Doha, Katar, ajo fitoi medalje botërore ari, për 48,14 sekonda, koha e tretë më e mirë në distancë dhe vetëm 0,54 sekonda larg rekordit botëror të 35 vjeçares nga Gjermania Lindore, Marita Koch./ /sara/
